الجـــــــــــزمة الذكيــــــــــــــــة !!

سجل دخولك حتى تتمكن من تسجيل اعجابك بالخبر

 

بالبلدى الفصيــــح :

 

الجـــــــــــزمة الذكيــــــــــــــــة !!

 

                  مهندس جزائري أسمه ( كريم  أمنية) ، عنده  شركة  أليكترونيات فرنسية أسمها (ديجيتسول) .. أخترع  ــ أسم الله على مقامكم ــ جزمة ذكية  بتمنح الشخص خصائص كتيرة  .. زى  البيانات المتعلقة بصحتك، كمستوى ضغط الدم  ، ودقات القلب .. ومزودة بمجموعة من أدوات الاستشعار ..ومتصلة بالنليفون الذكي بواسطة البلوتوث عبر تطبيق خاص.

            والمستشعرات دى  بتمنحك ميزات عديدة  للجزمة ، ومنها قياس المسافة ،وعدد الخطوات التي تمشيها يومياً، وبالتالي عدد السعرات الحرارية التي يتم إحراقها .. وتزويد الجزمة  بتقنية تحديد المواقع "جي بي إس"..  وتسمح لك بالاطلاع على خريطة سيرك . ومعرفة الأماكن التي بتزورها على الخريطة.. علشان ماتتوهش !!.

             وكمان الجزمة قادرة على تدفئة رجليك ، فبمجرد ماتحددها تبدأ حرارتها بالارتفاع لتتناسب مع رغبتك ..  ودى أحلى حاجة فيها بصراحة !!

               لأ .. وأيه بتتفاعل كمان  ، لأنها متصلة بالإنترنت والتليفون  الذكي، وتقدر تجمع وتعرض البيانات التي تهمك ..  وعلى سبيل المثال : ستحتسب الجزمة  مدى تآكل النعال ، ومحتاج تركب نص نعل  ولا  لسه شوية .. ووضعية رِجليك  أثناء الوقوف والمشي، وتقولك على ضرورة تغيير وضعك !! لو كنت واقف معووج، ودى حاجة مهمة جداً بالنسبة للأشخاص اللى عندهم  أوجاعاً أو أمراضاً في الظهر ..

         ولسه .. ياما حانشوف منك ياتكنولوجيا يامدوخانا .. ومش ملاحقين تحديثاتك وأبتكاراتك كل ساعة تقريبا !!

                  والجزمة حاتكون بالسوق أواخر العام بسعر 450 دولارا .. بس مش عارف بقى ( شركة باتا ) ..حاتجيب منها .. ولا   لأ !!!

بقلـــــــــــــــــــم

صــــلاح إدريــــــس

salahedris@gmail.com

 


صلاح ادريس صلاح ادريس
محررين

كاتب صحفى

0  117 0

آخر المجبين بالخبر

التعليقات


اكتب تعليقك هنا

اخبار مشابهة

اخبار مقترحة