ماسورة إشاعات ضربت فى مصر !!

سجل دخولك حتى تتمكن من تسجيل اعجابك بالخبر

بالبلــدى الفصيــــح :ــ

 

ماسورة إشاعات ضربت فى مصر !!

ـــــــــــــــــــــــــــــــــــــــــــــــــــــــــــــــــــ

         من أول إمبارح وفيه ماسورة إشاعات ضاربة فى مصر .. ومغرقة كل الشوارع ،والبيوت ،وحتى الأعلام .. بتقول أيه بقى الأشاعات دى :ــ

1 ـــ جريدة «لا تريبون» الفرنسية واللى بتنشر للى بيدفع ، زى كتير قوى من الجرائد والقنوات الأوربية والأمريكية .. نشرت أول أمبارح أن : ((مصر أشترت 4 طيارات " فالكون "  ضخمة والفخمة  من "شركة داسو  الفرنسية  " لتنقلات السيسى بـ 300 مليون يورو!!!)) .. ليه يعنى حايركب طيارة كل أسبوع  ، ويغير لون البدلة مع لون الطيارة  ولا أيه ؟؟..  علما أن مصر للطيران مخصصة طيارة ممتازة للرئاسة من زماااااان قوى .

      طيب آهى الشركة الفرنسية نفسها  أنكرت رسميا أمبارح فى بيان رسمى الأشاعة جملة وتفصيلا .. ( مع أن جماعتنا ياأخى ودن من طين .. وودن من عجين .!! ولا كأن الكلام علينا ) مش عارف ده تكتيك .. ولا أستهبال .. ولا غباء .. ولا أيه بالضبط ؟

2  ـــ   ويقولك ((الحكومة المصرية فصلت  3 مليون موظف  !! )) والدنيا هاديه قوى كده !!.. مفيش حتى 10 أفراد بس من الــ 3 مليون عملوا مظاهرة أو أحتجاج أو أى حاجة ؟!!

 3ــــ  ((مطالبة المصلين بدفع فواتير الجوامع اللى بيصلوا فيها .. وإلا حاتنقطع الكهرباء عن هذه الجوامع !! )).

طيب ياترى اللى بيصلى حاضرا حايدفع زى اللى بيصلى قضا .. وهل للنوافل رسوم زيادة ؟

 4 ـــ  ده غير مجموعة الأشاعات اليومية المعتادة ،ــ ((مصر أنتهت ـــ مصر أفلست ــ ثورة الجياع ــ الأختفاء القسرى ــ الجيش والشرطة والقضاة واكلينها والعة ، وبقية الشعب بيشحت)) ــ ومن النوعية دى كتير ويومى وحفظناها خلاص !!

        الحقيقة أنا مش لاقى كلام أرد بيه على هذه الأشاعات الخايبة !! فهل  من الممكن أن تتخيل  مجرد تخيل أن أى من هذه الأشاعات صحيح ؟ خللى اللى بيتكلم مجنون واللى بيسمع عاقل !!

        لو أنت صدقت أنه صحيح  يبقى أنت بصراحة اللى فيك حاجة غلط ومحتاج تظبيط !!

بقلــــــــم

صـــلاح إدريــــــس

salahedris@gmail.com


صلاح ادريس صلاح ادريس
محررين

كاتب صحفى

0  1622 0

الكلمات الدلالية

آخر المجبين بالخبر

التعليقات


اكتب تعليقك هنا

اخبار مشابهة

اخبار مقترحة