الصيادون فى المية العِكرة !!

سجل دخولك حتى تتمكن من تسجيل اعجابك بالخبر

 

الصيادون فى المية العِكرة !!

         المدارس مزدحمة  ..عارفين الكلام ده من زمان !!.. والولاد بعضهم مابيلاقيش كرسى يقعد عليه!! .. برضه عارفين .. محتاجين مدارس جديدة كل سنة  !!.. والله العظيم عارفين !!..

          الكلام اللى بتتناوله مواقع التواصل من بداية العام الدراسى .. مش داخل دماغى أنه فجأة  أو بالصدفة..  أن أولياء الأمور  ، والمدرسين ، والمديرين  ووكلاء الوزارة  ، اللى نشروا كل ده على النت  ضمايرهم صحيت فجأة ..!!  مع أنها مشكلة قديمة وكلنا عايشينها وعارفينها من 40 سنة وأكتر !! ..

          لكنى أعتقد أنها حملة ممنهجة ومدروسة وممولة لتشتيت الجهود .. وإفشال أى نجاح متوقع .. وإحباط الدولة ووزير التعليم الجديد الدكتور طارق شوقى .. والراجل كل اللى عمله أن  بخططه اللى بره الصندوق بيحقق لنا أحلامنا اللى حلمنا بها نصف قرن .. وماينفعش دلوقت لما بدأ الحلم يتجسد على أرض الواقع  أن نعطى الفرصة لأعداء البلد ..ولكل تقدم بيحصل فيها أنهم يهدموا ويوقفوا مسيرة تعليم ..من شأنه أن يرفع مصر لعنان السماء .. ويموتوا أحلامنا الكبيرة .. بتعليم أفضل .. وبالتالى مصر أفضل .. ونهضة وتنمية وإزدهار أفضل وأفضل وأفضل .

           ياريت كلنا نخللى بالنا أن ناس سووو  كتيرة كلنا عارفينهم عايزين مصر فى سابع أرض ..ويتردم عليها كمان .. لكن وحياة شنباتكم ودقونكم  وحتى حواجبكم .. مش حايحصل أبدا .. عارفين ليه ؟ علشان كلنا صاحيين .. وواعيين .. ومؤمنين .. ولا يلدغ مؤمن من جحر مرتين !!

بقــــــــــــــــم

صـــــــــــــــلاح إدريــــــــس

 


صلاح ادريس صلاح ادريس
محررين

كاتب صحفى

0  273 0

الكلمات الدلالية

آخر المجبين بالخبر

التعليقات


اكتب تعليقك هنا

اخبار مشابهة

اخبار مقترحة