رئيس لسانه عفيف .. وشعب لسانه فَرّقِللة !!

سجل دخولك حتى تتمكن من تسجيل اعجابك بالخبر

 

 

رئيس لسانه عفيف .. وشعب لسانه فَرّقِللة !!

 

                بيحزننى ويؤلمنى قوى الشتائم القذرة من الناس القذرة ، اللى بيشتموها للرئيس السيسى .. على مواقع التواصل   ،   أو الفضائيات العميلة .. سواء من الأخوان أو خدامينهم .. وخدامينهم هم اللى بيخَدّموا على أهدافهم  ، سواء بقصد أو بغباء وجهل ..  لأنهم ببساطة ممكن يعارضوا ، ويقولوا اللى عايزينة من غير وساخة ،وقلة أدب ،وألفاظ بذيئة ،يعاقب عليها القانون .. واللى بيزعلنى أكتر أنها أحيانا بتبقى صادرة من ناس المفروض أنها مثقفة ،وفاهمه  زى شاعر مسمى نفسه الدكتور الشاعر .. أو كاتب كبير، أو إعلامى أو غيره ممن يطلقون على أنفسهم النُخبة ..وهم فى الحقيقة ( نكبة ، ووكسة ) !!!

            ولازم الأوساخ دوول يفهموا  أنهم كلما زادوا فى قلة أدبهم .. كلما زاد المصريين ألتفافا وحبا لرئيسهم المؤدب ، عفّ اللسان .. اللى عمره ماقل أدبه على حد .. ولا حتى عاتب ، أو حاسب حد ، من طوال اللسان !! جوه أو بره مصر .. وللأسف أدب السيسى وتعففه هو اللى خلاهم عاملين رجالة   ، وهمه فنجرية بُقّ بس !! فمن أمن العقاب .. ساء الأدب !!  وماكانش واحد فيهم يستجرى يقول لفظ  من اللى بيقوله دلوقت ، أيام أى من الرؤساء السابقين .

             وبصراحة أنا واحد من الناس اللى بيزيد حبها للسيسى كلما زاد الأوساخ هجومهم عليه   .. وكل  يوم بأحب السيسى أكتر .. لأنى بأتابعه  ،وبأتابع أعماله بعقل وهدوء ومنطق  .. وشايف أن ده الرئيس الوحيد اللى بيفكر فى مستقبل أولادنا وأحفادنا .. ومابيبصش تحت رجليه .. أو يلهى شعبه فى قوت يوم بيوم..  زى ماكل اللى قبله عملوا .. علشان كده  أنا حاأغيظ أخوان الشياطيين وخدامينهم بصورة السيسى طفلا وهو يؤدى التحية العسكرية للزعيم عبد الناصر .. وحاأتبرع زى ملايين غيرى من المصريين يوم 11/11 بمبلغ كويس لصندوق تحيا مصر .. وغصب عنكم ستحيا مصر .. وستموتون  أنتم وخدامينكم بغيظكم .

بقلـــــــــــــــم

صـــلاح إدريــــــس

salahedris@gmail.com


صلاح ادريس صلاح ادريس
محررين

كاتب صحفى

0  208 0

آخر المجبين بالخبر

التعليقات


اكتب تعليقك هنا

اخبار مشابهة

اخبار مقترحة